HOME                   FONT PROBLEM                     READ BIBLE                     TYPE MALAYALAM                     FACEBOOK                     PHOTOS

Nov 14, 2012

യാചനം

കാല്‍ ചുവട്ടിലെ മണ്ണ്  നീങ്ങിപ്പോകുന്നു,
നില്‍ക്കണം എനിക്കിനിയുമിവിടെ,
ആഗ്രഹങ്ങളെ സ്വന്തമാക്കാന്‍.
ആരു സഹായിക്കും,
ഭൂമിയുടെ അവകാശികളെ,
നിങ്ങള്‍ക്കാവില്ലെ.
ഭൂരക്ഷകന്‍ എന്നെ-
കൈവിട്ടതെന്തെ,
ആര്‍ക്കുമാവില്ലെ?
ഒരുപക്ഷെ നിനക്കുപോലും,
കഴിയില്ലെ?
ഞാനാരെയും വിധിച്ചിട്ടില്ല,
എന്നിട്ടും എന്നെ വിധിച്ചതാരാണു.
ആരോടും പരിഭവമില്ല.
ഒന്നിനോടും,യാതൊന്നിനോടും,നിന്നോടും.

Apr 4, 2012

ആരു നീ,





വിദ്യാലയത്തിൽ മാഷിനോട് അമ്മ പറഞ്ഞു
“ഹൈന്ദവനെന്ന്”
പിന്നെയുമെന്നോടീ ചോദ്യം ആരാഞ്ഞു പലരും
“ജാതിയേത്”
വളർന്നപ്പോൾ “മനുഷ്യനെന്നോതി“ ഞാൻ
യൌവ്വനത്തിൽ അവൾക്കായ്
ക്രിസ്ത്യനായി,ബൈബിളെടുത്തു.
അതിലൊരു മതം ഞാൻ കണ്ടു
സ്നേഹം
ഗീതയിൽ കണ്ട സ്നേഹം
ബൈബിളും നൽകി.
ഇന്നീ പ്രവാസത്തിൽ
തുണയായ് വന്ന ഖുറാനിലും
സ്നേഹം
സ്നേഹത്തിൻ ഭാഷയാകും
ബൈബിളും,ഖുറാനും ഗീതയും
എന്നെ മനുഷ്യനാക്കി.
മതത്തിന്റെ മതിലുകളെന്നെ ഭ്രാന്തനുമാക്കി.

Apr 30, 2011

നിന്റെ വർഷപ്രിയ


തോഴാ നിനക്കെന്തിനീ പക
അവളൊരിക്കൽ നിന്റെയായിന്നെല്ലോ,
നിന്നെയവൾ ഹൃദയത്തിലേറ്റിയിരുന്നല്ലോ,
മൌനത്തിന്റെ താഴ്വരകൾ
മെല്ലെയിറങ്ങി നീയവൾക്കൊപ്പം
പ്രണയത്തിന്റെ കുന്നുകൾ-
കൈകോർത്ത് കയറിയതും,
അതിനപ്പുറമൊരു തടാകത്തിൽ-
നീന്തിത്തുടിച്ചതും
കുളിരകറ്റാൻ ചൂടേകിയതും
മറന്നുവോ തോഴാ
നീ ആഞ്ഞുകുത്തിയപ്പോഴും
അവളുടെ ഹൃദയം നിലച്ചില്ല.
വേദനിച്ചെങ്കിലും,കരഞ്ഞില്ല.
ഇന്നും നിക്കായ് തുടിക്കുന്ന മനവുമായ്
ഒരു ചോദ്യം മാത്രം
‘എന്തിനെന്റെ തണൽ നീയകറ്റി?'
ഉത്തരം നൽകൂ പ്രിയതോഴാ..
“ആരോടായിരുന്നു പക?”
നിന്റെ പ്രണയത്തോടോ..

Apr 22, 2011

വനചാരി


ഞാനൊരു കഥ പറയാം
എന്റെ കഥ
ജനിച്ചു.
ജീവിച്ചിട്ടില്ല.
ജയിച്ചിട്ടില്ല.
സഹിച്ചിട്ടുണ്ട്.
കരഞ്ഞിട്ടുണ്ട്.
കരഞ്ഞുകൊണ്ടെയിരിക്കുന്നു…..
എന്റെ കഥ തുടരുന്നു……

Apr 18, 2011

യാതികൻ

വിളക്ക്മരങ്ങൾ രാത്രിയെ കൊന്നൊടുക്കി.
വെളിച്ചമാണിപ്പോൾ നിശയിലും…
ഇനിയീ വീഥികളിലിരുട്ടില്ല…
തിരക്ക് നിറഞ്ഞ വഴികളിൽ
പ്രകാശം എന്റെ കണ്ണടപ്പിക്കുന്നു
എങ്കിലും തേടുന്നു ഞാൻ  നിന്നെ
കാരണം എൻ വെളിച്ചം നീ,
നിന്റെ കണ്ണുകളിലെ തിളക്കം മതിയെനിക്കീ-

ഇരുളകറ്റാൻ……
എന്റെ വഴികളിലെന്നും.

Nov 21, 2010

കിനാവുകള്‍






പ്രിയസഖീ നീ മാഞ്ഞു പോകുന്നു.
കിനാവില്‍ മാഞ്ഞു നീ......
കരളിലൊരല്പ്പം സ്വപ്നങ്ങള്‍ സ്വരുക്കൂട്ടി നാം.
ഇനിയും വിരിയാത്ത കിനാവുകള്‍......
ജീവിത പാതയ്ക്ക് മീതെയാകിനാവുകള്‍-
പിടഞ്ഞു ചാകുന്നു.
പ്രിയകാമുകി-ക്കൊപ്പമുള്ള ദിനങ്ങള്‍ ഓര്‍മ്മകളില്‍ പോലുമില്ല.

ഹൃദയത്തുടിപ്പോടെ,കരളില്‍ തലചായ്ച്ച് നാം
പങ്കുവെച്ചതെല്ലാം ഓര്‍ക്കുവാനാകില്ലെനിക്കിന്ന്.
അരികെയെന്നപോല്‍ തോനുന്നുവെങ്കിലും-
അതിരുകള്‍ക്കപ്പുറം മാഞ്ഞു നീ.........
ചങ്കിലെ ചോരയില്‍ തിളക്കുന്ന-
മോഹങ്ങള്‍, വിരിയാത്ത മോഹങ്ങള്‍.....
അരികത്തിരുന്നു-തന്നൊരാ സ്വാന്തനമിന്നെ-
വിടെയോ പറന്നകന്നുവോ..............
ഓര്‍മ്മകളില്‍ കത്തിയമര്‍ന്നു നീ......
നിര്‍ബന്ധ് ജീവിത പാതയില്‍ തനിച്ചാണു ഞാന്‍....!
പൊട്ടിയ മനസ്സില്‍ തുന്നിയെടുക്കാനാ-
വുന്നില്ലെനിക്കു നിന്നെ........
ചിറകറ്റ മോഹങ്ങള്‍ക്കു
പറക്കുവാനാകില്ല സഖീ...........
വഴി യാത്രയിലെ നഷ്ട്ടസ്വപ്നങ്ങള്‍ക്ക്
ചിതകൊളുത്തുന്നു...... വിരഹത്തിന്‍ നോവിനാല്‍.....




Nov 12, 2010

വേർപിരിയൽ

ഇനിയെനിക്കായി കാത്തിരിക്കുവാനാരുമില്ല
എൻ ദിവ്യ സമ്പത്തായ മാതാവെന്നെ-
തനിച്ചാക്കി വിദൂരതയിലെക്ക്‌ യാത്രയായി
അമ്മയോടൊപ്പമീ വീടിന്റെ-
ശോഭയും നിലച്ചു.

എല്ലാമായിരുന്നെനിക്കെന്റെയമ്മ........
അമ്മതൻ മുഖം-..................
കണികണ്ടുണരുന്നതാണെനിക്കിഷ്ട്ടം.
എത്രയെത്ര കണ്ടാലും മതിവെരില്ലാ-
മാതാവിൻ മുഖം,കണ്ണിനു-
കുളിർമ്മയായിരുന്നു....
അമ്മയിൻ സ്വരമെൻ കാതി-
നിമ്പമായിരുന്നതെൻ-
ഹൃദയത്തിൻ താളമായിരുന്നു.


തിരുനാമകീർത്തനമന്നാദ്യം-
ചൊല്ലിതന്നതും,...........
അമ്മയെന്നെഴുതി പഠിപ്പിച്ചതും
നിലാവുളള രാത്രിയിൽ
രാരീരം പാടി-ഉറക്കിയതും,
അമ്പിളി മാമനെ കാട്ടി മാ-
മൂട്ടിയതും എനിക്കിനി ഓർമ്മകൾ.


താളത്തിൽ പാടി ഊഞ്ഞാലാട്ടിയതും,
പൂക്കളമിട്ടതും, പുത്തനോണകോടിയുടുപ്പിച്ചതും,
തൂശനിലവെട്ടി-ചോറൂട്ടിതന്നതും.
കള്ളം കാട്ടിയിട്ടോടി ഞാൻ മറയുന്നതും
ഉണ്ണീന്ന വിളികേട്ടാൽ ഓടി.....
യെത്തുന്നതും ഇനി ഓർമ്മകൾ


അമ്മതൻചൂടേറ്റാമടിയിൽ
ചായുന്നതായിരുന്നെനിക്കേറെയിഷ്ട്ടം.
ആയിരം ജന്മത്തിൻ പുണ്യമെന്നമ്മ.
ഇനിയൊരു ജന്മമീ-
യമ്മതൻ മകനാകുവൻ
ദൈവങ്ങൾ കനിഞ്ഞീടുമൊ......


നിഴലായമ്മയോടൊപ്പം.....
പോയിരുന്നെനിക്കെന്തെ....
ഇന്നു കൂട്ടുപോകുവാനായില്ല....
എന്നെതനിച്ചാക്കി എങ്ങുപോയമ്മ....
ഏകാന്ത തീരത്തു വിരഹത്തിൻ-
നോവുമായീ മകൻ നില്പു
ഇഹ ജന്മത്തിലെന്റെ-
എല്ലാ വിജയത്തിനും ഒരൊറ്റ
അവകാശിയതെന്നമ്മ.

ഇന്നീയാകാശ ഗംഗയിലേറ്റവും-
ശോഭയാർന്ന താരമതെന്നമ്മ.....
ഇരുട്ടിൽ വഴിവെളിച്ചമായെൻ....
തലയ്ക്കു മീതെ നില്പു..
ജന്മം തന്നൊരെന്നമ്മ.

യാചനം

കാല്‍ ചുവട്ടിലെ മണ്ണ്  നീങ്ങിപ്പോകുന്നു, നില്‍ക്കണം എനിക്കിനിയുമിവിടെ, ആഗ്രഹങ്ങളെ സ്വന്തമാക്കാന്‍. ആരു സഹായിക്കും, ഭൂമിയുടെ അവകാശികളെ, നിങ്ങ...